ನಮ್ಮ ಕಜವು ನಮ್ಮ ಜಬದಾರಿ: ಡಾ. ಎಸ್ ಆರ್ ಹರೀಶ್ ಆಚಾರ್ಯ

ಸ್ವಚ್ಛತೆದ ಜಾಗೃತಿ ಪ್ರತಿಯೊರಿಯನ ಮೂಲಭೂತ ಕರ್ತವ್ಯ ಆವೊಡು. ನಮ್ಮ ಇಲ್ಲದ ಕಜವುದ ನಿರ್ವಹಣೆದ ಜಬದಾರಿನ್ ನಮ ಕಜವು ಆಪುನ ದುಂಬೇ ಆವೆನ್ ನಿರ್ವಹಣೆ ಮಲ್ಪೊಡು. ಆಪಗ ನಮ್ಮ ಪರಿಸರ ಸ್ವಚ್ಛ ಪರಿಸರ ಆಪುಂಡು ಪಂದ್ ಡಾ. ಎಸ್ ಆರ್ ಹರೀಶ್ ಆಚಾರ್ಯ ಪಂಡೆರ್.

ಮೇರ್ ವಿಶ್ವಕರ್ಮ ಸಹಕಾರ ಬ್ಯಾಂಕ್ ಕಾರ್ಕಳ ಶಾಖೆದ ಮುತಾಲಿಕೆಡ್ “ಸ್ವಚ್ಛತಾ ಹೀ ಸೇವಾ” ಪನ್ಪಿನ ಧ್ಯೇಯದೊಟ್ಟಿಗೆ ನಡತಿನ 13ನೇ ಸ್ವಚ್ಛ ಭಾರತ್ ಶ್ರಮದಾನಡ್ ಪಾಲ್ ಪಡೆದ್ ಸ್ವಯಂಸೇವಕೆರೆನ್ ಉದ್ದೇಶಿಸಾದ್ ಪಾತೆರಿಯೆರ್.

ಸ್ವಚ್ಛ ಭಾರತ್ ಶ್ರಮದಾನ ಲೇಸ್ ಗ್ ಕಾರ್ಕಳ ಜೈನ ಮಠತ್ತ ಸ್ವಾಮೀಜಿ ಶ್ರೀ ಲಲಿತ ಕೀರ್ತಿ ಭಟ್ಟಾರಕ ಮೇರ್ ಎಡ್ಡೆಪ್ಪು ಬಯಕ್ ದ್ ಲೇಸ್ ನ್ ಉದಿಪನ ಮಲ್ತ್ ದ್ ಆಶೀರ್ವಾದ ಮಲ್ತೆರ್.

ಜೈನ್ ಮಿಲನ್ (ರಿ.) ಕಾರ್ಕಳದ ಅಧ್ಯಕ್ಷೆರ್ ಅಶೋಕ್ ಎಚ್ ಎಮ್,

ಜೆಸಿಐ ಕಾರ್ಕಳದ ಅಧ್ಯಕ್ಷೆರ್ ಶ್ವೇತಾ ಎಸ್ ಜೈನ್ ಬೊಕ್ಕ ರೋಟರಿ ಕ್ಲಬ್ ಕಾರ್ಕಳದ ಪಬ್ಲಿಕ್ ಇಮೇಜ್ ದ ಅಧ್ಯಕ್ಷೆರ್ ರೋಟೋರಿಯನ್ ಪಿ ಹೆಚ್ ಎಫ್ ರೇಖಾ ಉಪಾಧ್ಯಾಯ ಮೊಕುಲು ಪಚ್ಚೆ ಬ್ಯಾನರ್ ನ್ ತೂಪಾವುನ ಮುಖೇನ ಶ್ರಮದಾನಗ್ ಚಾಲನೆ ಕೊರಿಯೆರ್.

ಅಂಚೆನೆ ಕಾರ್ಕಳ ಜೈನ ಮಠ, ಚತುರ್ಮುಖ ಬಸದಿ ಪರಿಸರದಕುಲು ಬೊಕ್ಕ ಗೊಮ್ಮಟ ಬೆಟ್ಟದ ಕೈತಲ್ದ ಪರಿಸರದ ಸ್ವಯಂಸೇವಕೆರ್ ಸ್ವಚ್ಛತೆದ ಶ್ರಮದಾನ ಮಲ್ತೆರ್.

ವಿಶ್ವಕರ್ಮ ಸಹಕಾರ ಬ್ಯಾಂಕ್ ದ ಉಪಾಧ್ಯಕ್ಷೆರ್ ಜಗದೀಶ್ ಆಚಾರ್ಯ ಪಡುಪಣಂಬೂರು, ನಿರ್ದೇಶಕೆರ್ ಡಿ.ಭಾಸ್ಕರ ಆಚಾರ್ಯ, ಬೆಳುವಾಯಿ ಸೀತಾರಾಮ ಆಚಾರ್ಯ, ಭರತ್ ನಿಡ್ಪಳ್ಳಿ, ಜಿನವಾಣಿ ಮಹಿಳಾ ಒಕ್ಕೂಟದ ಅಧ್ಯಕ್ಷೆರ್ ವಿನಯ ವೈ ಆರಿಗ ಬೊಕ್ಕ ಸದಸ್ಯೆರ್

ಶಿವ ಭಕ್ತ ಭಜನಾ ಮಂಡಳಿ ದಾನಶಾಲೆದ ಪದುಕೆರ್ ಬೊಕ್ಕ ಸದಸ್ಯೆರ್, ಸ್ವಚ್ಛ ಬ್ರಿಗೇಡ್ ಕಾರ್ಕಳದ ಸಂಯೋಜಕೆರ್ ಫೇಲಿಕ್ಸ್ ಜೋಸೆಫ್ ವಾಸ್, ಪದುಕೆರ್ ರಾಜೇಂದ್ರ ಅಮೀನ್, ಜಯರಾಮ, ನಿಖಿಲ್ ಕುಮಾರ್ ಬೊಕ್ಕ ಸದಸ್ಯೆರ್, ಧಾರ್ಮಿಕ ಬೊಕ್ಕ ಸಾಮಾಜಿಕ ಕಾರ್ಯಕರ್ತೆರ್ ಗುಣವರ್ಮ ಜೈನ್, ಹರೀಶ್ ಆಚಾರ್ಯ, ಸತೀಶ್ ಆಚಾರ್ಯ, ರೋಟರಿ ಕ್ಲಬ್, ಲಯನ್ಸ್ ಕ್ಲಬ್ ಬೊಕ್ಕ ಜೆಸಿಐದ ಸದಸ್ಯೆರ್, ಸಿಎ ಪ್ರಭಾತ್, ಕಾರ್ಕಳ ಟೈಗರ್ಸ್ ದ ಪದುಕೆರ್ ಬೊಕ್ಕ ಸದಸ್ಯೆರ್, ಕಾರ್ಕಳ ತಾಲೂಕ್ ದ ಬಂಗಾರ್ ದ ಕೆಲಸಗಾರೆರೆನ ಸಂಘದ ಅಧ್ಯಕ್ಷೆರ್ ಎಂ ರಮೇಶ್ ಆಚಾರ್, ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್, ಕರ್ನಾಟಕ ಕ್ಷತ್ರಿಯ ಮರಾಠ ಪರಿಷತ್ ಜಿಲ್ಲಾಧ್ಯಕ್ಷೆರ್ ಪ್ರಕಾಶ್ ರಾವ್, ಕಾರ್ಕಳ ಕನೆಕ್ಟ್ ದ ವಿಜೇತ್, ಶ್ರೀ ಭುವನೇಂದ್ರ ಕಾಲೇಜ್ ದ ರೇಂಜರ್ಸ್ ಅಂಡ್ ರೋವರ್ಸ್ ದ ಪ್ರದರ್ಶ ಕೆ, ವಿಶ್ವಕರ್ಮ ಸಹಕಾರ ಬ್ಯಾಂಕ್ ದ ಕಾರ್ಕಳ ಶಾಖೆದ ಶಾಖಾಧಿಕಾರಿ ನಿತಿನ್ ಕೆ. ಬೊಕ್ಕ ಸಿಬ್ಬಂದಿಲು, ಬ್ಯಾಂಕ್ ದ ಸದಸ್ಯೆರ್, ಗ್ರಾಹಕೆರ್ ಪಾಲ್ ಪಡೆದ್ ಶ್ರಮದಾನಗ್ ಸಹಕಾರ ಕೊರಿಯೆರ್.

Post navigation

ಜ.3: ಬಜ್ಪೆ ಶ್ರೀ ಶನೈಶ್ಚರ ದೇವಸ್ಥಾನಡ್ ವರ್ಷೊದ ಜಾತ್ರೆ

ಆರ್ಟ್ ಆಫ್ ಲಿವಿಂಗ್ ದ ಮುತಾಲಿಕೆಡ್ ಉತ್ತಮ ಆರೋಗ್ಯಕ್ಕಾಗಿ ಧ್ಯಾನ” ಶಿಬಿರ